【炎明熹離巢TVB重啟樂壇路 陳百祥力撐：依家冇人要靠電視台】
炎明熹自2024年4月底因與無綫續約談不攏，被公司「雪藏」長達一年多，演藝工作全面停擺。其間，高層樂易玲曾發表「忘本論」，被外界解讀為暗批炎明熹忘恩，引起不少爭議。
陳百祥覺得炎明熹如進軍內地市場做法正確。（葉志明攝）
炎明熹被「雪藏」期間，有傳多間唱片公司以天價邀她加盟，但她日前宣布最終決定自組公司。（資料圖片）
到了2025年9月底，炎明熹與TVB合約正式屆滿，官方藝人名單亦已刪除其資料，象徵雙方正式分道揚鑣。她早前現身音樂劇發布會時宣布成立個人公司「然后」，以全新身份重返樂壇，展開獨立發展之路。
對於炎明熹離巢後被指「反骨」一事，藝人陳百祥（阿叻）今日（10月8日）出席活動時接受《香港01》訪問，直言支持她的選擇：「佢自己開公司好正常啦，呢個年代根本冇乜『封殺』呢回事。你睇下鄧紫棋，都係離開之後喺內地發展得好成功。十四億人嘅市場，點會唔去搏？香港得幾百萬人口，梗係望大市場啦。」
陳百祥以G.E.M.鄧紫棋作例子。（IG＠gem0816）
阿叻續說，時代已變，藝人不再需要依賴電視台：「合同完就完，唔存在封殺。依家冇人一定要靠TVB生存。我哋踢場波都幾億點擊，TVB最紅節目都係百萬觀眾左右，萬分之一都冇。人哋做直播都有百萬收入，世界轉得太快，電視業已經唔再係主導。」
他又批評外界將炎明熹標籤為「反骨」並不合理：「個個藝人都有自己嘅路，唔通TVB捧咗你就要一世唔走？劉德華當年都被雪幾年，最後都冇返去。電視行業而家已經係黃昏產業，只會越做越蝕。」
談及TVB高層曾志偉早前接受內地訪問時聲稱「公司今年（2025）開始盈利」，阿叻笑言：「講就好講，最緊要睇實際業績。做生意講數據，唔好靠口講。做藝人就做好藝人嘅嘢，做生意就要睇報表，我最熟呢啲啦。」
陳百祥說做生意邊個夠佢熟。（葉志明攝）
