【天氣速報／暴雨警告／天文台風眼】今早（7月29日）多區突遭暴雨襲擊，天氣驟變下，天文台在短短一小時內連續三度提升暴雨警告級別，由黃雨升至紅雨，最終在上午9時10分發出黑色暴雨警告，正值上班高峰，引起大量市民不滿。
天文台清晨8時05分發出黃色暴雨警告，其後於8時40分升級為紅雨，再於9時10分轉為最高級別的黑雨，三個級別相隔僅約60分鐘，令不少已出門上班的市民頓成「落湯雞」，紛紛湧到天文台Facebook留言宣洩不滿。
不少打工仔在天文台Facebook分享各區雨況。（天文台Facebook）
不少打工仔在天文台Facebook分享各區雨況。（天文台Facebook）
市民批「預測失靈」：返晒工先掛黑雨？
大量網民留言批評天文台反應過慢，直言「掛黑雨係咪等人返晒工先得？」、「成個市區七點幾已經落狗屎水，水浸、塞車都出晒事，你班人仲未出紅雨？」、「叫人唔好外出，你就喺最大雨嗰陣先叫人留喺屋企？」不少人認為警告應提早發布，而非等雨勢變得難以應對才出手。
另有市民提出分區發出警告的建議：「唔好再一刀切啦，應該分18區出黃紅黑雨，唔通元朗同港島雨勢一樣咩？」、「有啲地區七點就已經行唔到，點解要等到九點先知危險？」
天文台早上8時05分發出黃雨警告，8時40分改發紅雨警告，到9時10分再改發黑雨警告。（天文台Facebook）
天文台早上8時05分發出黃雨警告，8時40分改發紅雨警告，到9時10分再改發黑雨警告。（天文台Facebook）
網民分兩派：天文台數據為本，難求完美預測
雖然批評聲音不絕，但也有網民站在天文台角度理解做法：「天文台出警告唔係估估下，要根據實時觀測數據」、「唔想返工就請假啦，唔好次次都攞天文台嚟發洩」。這場暴雨也再度引發對香港暴雨警告制度是否需要更新的討論。
