前TVB藝人梁茵轉行當侍應 自嘲「真係所剩無幾」：唔想再靠父母
曾在《愛‧回家之開心速遞》飾演「威龍潘金蓮」的梁茵（Kiko），離開TVB後生活陷入困境。她早前接受訪問時坦言，銀行戶口僅餘個位數字，身上只剩幾千港元，「真係所剩無幾，頂多撐三個月，希望唔使屋企人接濟，呢個年紀唔應該再靠父母。」她更表示，如果有人願意請她做侍應，她絕不介意。
原來，最近她真的透過朋友介紹，在尖沙咀一間日本料理店正式上班。現場所見，梁茵換上一身粉紅色和服，負責帶位、接待客人及協助掃「安心出行」等工作。雖然身為藝人，但她態度落落大方，沒有一絲尷尬，回答客人提問時亦十分專業。
透過朋友引薦，梁茵現於由林柏希擔任傳訊總監的餐廳任職侍應，主要在週末繁忙時段協助接待工作。
梁茵接受訪問時透露，離巢後雖然仍有接到少量宣傳及代言工作，但不少公司以疫情為由拖欠酬勞，導致她「有汗出冇糧出」，最後逼於無奈決定先找份穩定工作過活。她無奈表示：「啲工作加埋唔夠十萬蚊，呢段時間真係幾辛苦。出面啲嘢貴到離譜，人工又減，離開TVB以為可以重新開始，點知現實好骨感。」
在正式上班前，林柏希親自指導梁茵熟習接待崗位的各項工作流程，她亦親身實踐，親力親為。
她亦提到，自己在TVB工作近九年，離開決定並不容易。「除咗學生時期做過短期工，基本上我一畢業就喺TVB。老實講我對公司有感情，但係對我唔太公平，最後一年仲話我under-show（工作量不足）。」她指，TVB的「計騷制度」不透明，即使有演出機會，也難以掌握實際收入，「我好似冇得講咁，感覺自己好渺小。」
談到為何不考慮回巢，梁茵坦言：「佢話我under-show，呢樣嘢我接受唔到。」她直言，公司現時更傾向栽培新人，「舊人冇價值就被邊緣化。佢哋覺得我哋冇利用價值，就擺埋一邊。」
多年前曾有傳聞指梁茵「被包養」或「從事不道德交易」，對此她忍不住落淚澄清：「嗰啲都係因為角色引起嘅誤會。《愛回家》入面Anita係拜金港女，但唔代表我本人係咁。如果真係有人包養我，我今日唔會咁慘，唔洗去打工啦。」
梁茵憑在《愛‧回家之開心速遞》中飾演「威龍潘金蓮」Anita一角而為觀眾熟悉。
梁茵投身演藝圈至今已接近九年。
她語帶哽咽地說：「好多年嚟，無論自己搵工作定係公司幫我搵，總會有人拖糧。外界見到我喺鏡頭前笑，卻唔知背後有幾辛苦。我哋藝人都係普通打工仔，只係想要多啲機會。」
梁茵更直言，藝人面對制度問題時往往無人敢出聲：「普通市民受騙可以上《東張西望》，但藝人俾公司剝削，又有邊個肯講？以前TVB壟斷市場，佢哋可以咁樣對人。依家娛樂圈百花齊放，我都想跳出嚟試下。」
梁茵激動落淚，直言舊公司對待員工過於刻薄。
談及過往被傳「遭包養」的謠言時，梁茵一度哽咽落淚，指公司當年既沒有替她澄清，亦不允許她自行發聲。
對於外界誤會及公司採取「鴕鳥政策」不作澄清，她感慨道：「公司只會幫有價值嘅人澄清，其他人就要自己忍。呢個世界真係好現實。」她表示，希望透過實際工作慢慢重建生活，「做侍應都好過等人施捨，至少可以靠自己。」
餐廳傳訊總監林柏希受訪時亦讚賞梁茵表現出色：「我都係娛圈出身，知道入行唔容易。佢冇架子，好快上手，好似記劇本咁記到晒menu同工作流程。餐廳啱啱擴充，需要人手，請佢係雙贏。」
梁茵表示，自己現階段最需要的是一份工作，並強調無論從事哪個行業，都會全力以赴、認真面對。
梁茵近日入職尖沙咀一間日本料理店，正式展開新工作。
林柏希表示，梁茵適應力強，上手速度快，無論是記熟餐牌還是接待顧客，都能應付自如。
